ვმ საქართველო/კონკურსები/2020/მსოფლიო სამზარეულო ვიკიპედიაში
წესები
- მოთხოვნები სტატიისათვის
- სტატია შექმნილი უნდა იყოს თქვენ მიერ 2020 წლის
1 სექტემბრის 0:00 (UTC)-დან - 30 სექტემბრის, 23:59 (UTC)-მდე.
UTC დროის სანახავად დააჭირეთ აქ.
საქართველო UTC+4 დროის სარტყელში მდებარეობს, შესაბამისად UTC 14:00 საათი საქართველოს დროით (UTC +4) 18:00 საათია. საქართველოს დროით კონკურსის ვადებია 2020 წლის 1 სექტემბრის 04:00-დან 1 ოქტომბრის, 03:59-მდე - შექმნილი სტატიის რიცხვითი მოცულობა უნდა იყოს სულ მცირე 3 000 ბაიტი და არანაკლებ 250 სიტყვა.
- სტატია უნდა აკმაყოფილებდეს ვიკიპედიის საბაზისო კრიტერიუმებს.
- სტატია შეიძლება შეიქმნას შემდეგ თემებზე: კერძებზე, სასმელებზე, სანელებლებზე, ქვეყნის სამზარეულოზე და რესტორნებზე.
- სტატიას მითითებული უნდა ჰქონდეს საკმარისი აკადემიური წყაროები; საეჭვო ან ურთიერთგამომრიცხავი წინადადებები გამყარებული უნდა იყოს შესაბამისი წყაროებით.
- სტატია არ უნდა იყოს მანქანური თარგმანი და უნდა იყოს დაწერილი გამართული სალიტერატურო ენით.
- სტატია უნდა იყოს უნაკლო (ქართული ვიკიპედიის წესებთან შესაბამისი ფორმატირება (ვიკიფიცირება), წყაროების გამოყენება და ციტირების წესები, ტეგებისა და თარგების სათანადო გამოყენება, ილუსტრირება) კონკურსის დასრულებისთვის, ანუ 30 სექტემბერს, 04:00 (UTC)-თვის.
- სტატია უნდა იყოს ინფორმაციული.
- დაუშვებელია პლაგიატი — თუ სტატია იქნება დაწერილი მხოლოდ ერთ წყაროზე დაყრდნობით, მაშინ სტატიის ტექსტი სრულიად გადასხვაფერებული უნდა იყოს და არ ემთხვეოდეს წყაროს ტექსტს.
- სავალდებულო მოთხოვნები კონკურსანტისადმი
- კონკურსანტი დარეგისტრირებული უნდა იყოს ვიკიპედიაში.
- ყოველი კონკურსანტი მონაწილეობს მხოლოდ ერთი ანგარიშით.
- მონაწილეს ანგარიშზე მიბმული უნდა ჰქონდეს ელექტრონული ფოსტის მისამართი.
- აკრძალვები
- კონკურსის კოორდინატორისთვის საპრიზო ადგილისთვის კონკურსში მონაწილეობა აკრძალულია.
- ჟიურის წევრებისთვის საპრიზო ადგილისთვის კონკურსში მონაწილეობა აკრძალულია.
- ვმ საქართველოს ბორდის წევრებისთვის საპრიზო ადგილისთვის კონკურსში მონაწილეობა აკრძალულია.
- აკრძალულია ერთდროულად ორ ან მეტ სტატიაში თარგ {{subst:მუშავდება}}-ს გამოყენება.
- პასუხისმგებლობა
- საბოლოო გადაწყვეტილებას ამა თუ იმ სტატიის მიღების ან უარყოფის შესახებ ადგილობრივი ვიკიპედიის ჟიური იღებს.
- ჟიურის გადაწყვეტილება საბოლოოა და არ ექვემდებარება გასაჩივრებას.
- ჟიურის შეუძლია აუკრძალოს კონკურსში მონაწილეობა კონკურსანტს კონკურსის ნებისმიერ ეტაპზე და ყველა იმ შემთხვევაში, რომელიც, ჟიურის მოსაზრებით, ეწინააღმდეგება „სამართლიანი თამაშის“ წესს.
- კონკურსის ორგანიზატორები არ არიან პასუხისმგებელნი, თუ კონკურსის მონაწილემ დაარღვია საავტორო უფლებები.
- კონკურსის ორგანიზატორები არ არიან პასუხისმგებელნი კონკურსის მონაწილეთა მიერ შექმნილი გვერდების ვიკიპედიიდან შესაძლო წაშლაზე.
პრიზი
„ვიკიმედია მომხმარებელთა საქართველოს ჯგუფი“ კონკურსში მიღებული ქულების რაოდენობით გამარჯვებულ მონაწილეებს (ხუთი საპრიზო ადგილი) დააჯილდოებს შემდეგი პრიზებით:
- პირველი ადგილი : ქვაბების ნაკრები
- მეორე ადგილი : მიკროტალღური ღუმელი
- მესამე ადგილი : ყავის აპარატი (მეამა)
- მეოთხე ადგილი : ხორცსაკეპი მანქანა
- მეხუთე ადგილი : ბლენდერი
შენიშვნა: საპრიზო ადგილების პრეტენდენტებმა სრულყოფილად მინიმუმ 10 სტატია მაინც უნდა შექმნან.
ასევე სპეციალურ ნომინაციას აწესებს საქართველოს გასტრონომიის ასოციაცია. კონკურსანტი, რომელიც ყველაზე მეტ ხარისხიან სტატიას შექმნის ქვეყნების სამზარეულოს შესახებ (მაგ. სტატია — პერუს სამზარეულო, საფრანგეთის სამზარეულო), საჩუქრად მიიღებს:
- საქართველოს ერთ-ერთ რეგიონში 3 დღიან გასტროტურში გამგზავრებას
კოორდინატორი
ჟიური
- მარიამ ქვარცხავა
- იაკობ მახარაძე
- მიხეილ ჩხიკვაძე
- ლევან ქოქიაშვილი
შედეგები
შედეგების სანახავად გადადით ამ ბმულზე
ორგანიზატორი
wikimedia.ge